لـــوعــة الضـيـق

..

عزاه يا قلبٍ .. شكى لوعـة الضيـق

حده زمانه .. و .. المصايب تحوفـة

الجرح .. كسـر يابسـات المعاليـق

و الضيم ساطي .. و .. البلاوي تلوفة

جرحٍ عطيبٍ .. فالظلـوع المغاليـق

مقيم له عامين .. فـي وسـط جوفـه

كن الفضا .. ضايق به الكون و يضيق

حتى نهار الكـون .. عـزم كسوفـه

فنجال هم و غم .. و دلـة و أباريـق

واجب ضيافة دمع .. ولا بـه كلوفـة

يا وجد حاله .. وجد يـا بلـة الريـق

و حالة ردية .. و .. الظروف معسوفة

يم الفرح .. كـل المشاعـر مشافيـق

و الضيـم قدامـه .. بعينـه يشوفـه

وده يفيق .. ميـر يـا كيـف بيفيـق

لكن على ما قيل .. ما هـوب حوفـه

يالله يالمعـبـود .. رب المخالـيـق

تفرج عن اللي .. ضيقت به ظروفـه

..